أعزائي اعضاء ملتقى العوازم هناك أبيات لازالت عالقه في الاذهان واغلبها من أبيات الحكمه
حتى أن بعض هذه الأبيات أشتهرت أكثر من أصحابها , فالشاعر الجيد هو الذي
يضمن أبيات الحكمه في قصيدته بغض النظر عن غرض القصيده , فهناك بعض
القصائد التي احتوت على عشرات الأبيات ولكن الذي اشتهر فيها بيت الحكمه
واصبح مضرب المثل في كل حادثه ينبطق عليها , وهنا سوف نورد لكم بعض
تلك الأبيات ونتمنى أن تلاقي قبولا حسنا وعلى الجميع المشاركه لكي نخرج
بحصيله جيده وموسوعه مصغره في هذه الشبكه وسوف افتح لكم المجال
بهذه المشاركة :
الشعر القديم :
الله نشد ياحمود عن معرفة يوم ......وهذي ثمان سنين ياحمود جيران
مفضي ولمان الأحمدي
ترى رزق غيري ياملا ماينولني .....ورزقي يجي لو كل حي يحايله
حجرف عياد الذويبي
الحنظلة لوهي على شاطي النيل.....زادت مرارتها القديمة مراره
عبدالله اللويحان
اللي يبينا عيت النفس تبغيه ...واللي نبي عجز البخت لايجيبه
نوره الهوشان
رفيقي اللي مصافيني على الشده...ولا الرخا ء واجد ربعي وخلاني
سليمان بن شريم
لاتاخذ الدنيا خراص وهقوات .....يقطعك من نقل الصميل البرادي
عبدالله بن سبيل
من شق ستار الناس شقوا ستاره ....ومن ضحك بالثرمان يضحك بلاسن
شالح بن هدلان
اللي يتيه بالليل يرجي النهار ... واللي يتيه بالقايله من يقديه
بخوت المريه
موتي عزيز عند الأجناب برا... اشوى ولاعند الرفاقه ذليلي .
نمر بن عدوان
لاتاخذ الهزلى علشان مالها.. ولاتقتبس من نارها بالوقايد .
راشد الخلاوي
اهلي يلوموني ولايدرون ..والنار تحرق رجل واطيها.
محمد بن لعبون
عيب على اللي يتقي عقب مابان ... ويرضى طمان النفس عقب ارتفاعه
عبيد الرشيد
طول الجدار وقصرة الرجل نوماس ... لاصـار ماللرجل داع دعــــــــــاها
مبارك الشمري
ترى حلات الهوى لاطالت المده ... ماهوب يوم صديق ويوم قوماني
سليمان بن شريم
ان المنايا إذا مدت مخالبها ...تدرك لوكنت في جو السما العالي .
بديوي الوقداني
يمنا بلا يسرى تراها ضعيفه .. ورجل بلا ربع على الغبن صبار .
بن سجوان الرويس
احد على جاره بختري وانوار .. و احد على جاره صفيحه محيفه
مقحم النجدي
يابايع الجوخ على غير اهاليه ...مثل الذي نزل بقصر خرابه
مشعان بن هذال
اختر مقام العز لوكنت قراش .. ولاالغناه اللي بها الذل دايم
محمد بن فوزان
كم واحد له غاية ماهرجها ...يكنها لو هو للأدنين محتاج
محمد السديري
لاخاب ظني بالرفيق الموالي .. مالي مشارية على نايد الناس
محمد السديري
فكفى كفى الدنيا الى عاد خيرها ... فراش الثرا من عقب لين اللحايف
عرار شهوان
لو بغيت الردى درب الجود عيا .. حالف ماارضى لنفسي بالمهونه
عبدالله القريفه
من باعننا بالهجر بعناه بالنيا .. ومن جذ حبلي ماوصلت رشاه
عبدالرحيم المطوع
فنجال طيني ماانت فنجال صيني ... لاتبرك مباريك الجمل وانت ناقه
خلف الاذن
عزي لمال مايتولاه صاحبه .. يبيد لو ان الربيع حذاه
(............)الشعر الحديث :
ياليتني لاطحت لاطحت لاطحت ....ماأطيح عند اللي يسره مطيحي
عاقل الزيد
والحر دايم تغشه ريشة الملواح ...لكن يبقى عزيز ومنزله غالي
فيصل العدواني
يابنت أنا للشمس في جلدي حروق ...وعلى سموم الصيف تزهر حياتي
بدر بن عبدالمحسن
ياليتني بينك وبين المضره ...من غزة الشوكة الى سكرة الموت
سعود بن بندر
ياشينها لاصرت مطعون بكفوف الدخيل ..في ظهرك أربع خناجر وفي الصدر أربعة
حامد زيد
شريته في زمان البور والقيمة ثلاثة أرباع ..واشوفه في زمان العز بالربع يقصيني
عبدالله ذويبان
بعض الجروح ان جات من أغراب عادي ...الجرح موت الجرح ان جا من احباب
عبدالاله المطرف
اشهد انه من يفعل الطيب في اللي مايجود ...مثل من حجج على غاربه ذباح ابوه
حمد المسردي
إذا صفالك زمانك عل ياظامي .. اشرب قبل لايحوس الطين صافيها
خالد الفيصل
وانا اليا شفت الاعور وسط عميان ** اجنبه من خوف لا يصير حولي
جزاء صالح الحربي
ياكثر خلانك إليا زاد مالك = وإليا أدبرت دنياك محدٍ يدانيك
عتيق بنيه الحربي
صدك عن اللي ملتفت لك ردى حظ ... وركضك ورى اللي ماهو يمك مذله .
هتان
من حصد زرعه قبل موسم حصاده .. ماجنى غير التعب والزرع توه
صالح السكيبي
الله من صبر صبرته ولافاد .. والصبر مر اليا تعدى الحدودي
رشيد الزلامي
تجري بي الاقدار من دون ماختار .. واصبر ولو بانت علي الهزيعه
حجاب بن نحيت
اشكروني مانكروني طويلين الذراع .. وانكروني ماشكروني خبيثين الطبوع .
فيصل الرياحي
كم واحد تحسن به الظـن ويخيـب ....السـن يضحـك والفـواد معلولـي
لافي الغيداني
ياكثر ماقلت اباسوي وابااسوي ..ولافيه من اللي قلت شيء سويته .
حمود البغيلي
لكم كل حب واحتراام
ماهزني غيابك 
أبيات شعــر لاتنسى من جمالهاااااا
العرض العادي
